يكفي خراب البيوت

[size=25]صباح / مساء ... الخيييير .~

كيفكم ..^^ [/size]

.

.

يا أهل العقول الواعية والرشيدة ... المنكر اللي عمّنا يبغي انكار
اسلامنا وسلوم اهلنا التليدة ... بنوا ما بين الحق والباطل جدار
وأوطاننا صرخة تطور تشيده ... في ما يخدم المجتمع علم واعمار
وبعض الفضائيات تبغي تبيده ...وتنشر ما بين أجيالنا الخزي والعار
حرب الجيوش اهون شهيد وشهيده ...بس المصيبة والبلا حرب الاقمار
قتيلها جيل وعقول وعقيده ... وموت العقول أشد من قصف الاعمار
بعض البرامج للمتابع مكيده ... وحبالها ياقع بها كبار وصغار
قناة ساحر حط فيها بريده ... يقول راسلني وأعلمك شو صار
وقناة رقص ونقص واللي يزيده ... شاتٍ كلامه يجرح أعراض الاحرار
وقناة دز اسمك سعيد وسعيده ... واصبر وشوف للحب نسبة ومعيار
وقناه تجمع كل جنس وضديده ... بين أربعة جدران من كل الاقطار
وتابع تفاصيل الحياه الرغيده ... حتى اذا ناموا وقاموا للافطار
واسهر وشجع يمكن اللي تريده ... ويفوز ويسمونه العالم ستار
راحوا ضحاياها فئاتٍ عديده ... ومع ضياع الوقت تسمم افكار
وراعي القناه أهم حاجة رصيده ... لا لامته نفسه ولا خاف من نار
وترى الفضائيات فيها المفيده ... ما ننكر إنها فالدجى مثل الأنوار
قناة دين وعلم وأشياء حميده ... تاريخ وأشعار وثقافات وأخبار
باسم الضمير اقولها في قصيدة ... يكفي خراب بيوت وأفكار وديار

.

معا تحيــــــــــــــات
gokar

تسلم يداك ياغالى ومشكوووووووووووووووووووووور جدا جدا