تسالف لي عن الضيقه ونا

تسولف لي عن الضيقه وأنا كلي ألم وأحزاان.
وأنا من وين مااناظر بعيني شفت ضيقاتي.
تسولف لي عن الضيقه وأنا عنوان للحرمان.
دخيلك لادخيل الجرح لاتكشف معاناتي.
حبيبي لاتشجعني أسولف وأكسر الكتمان.
تعبت من السكوت إللي تعود يسكن بذاتي.
عليم الله مافيني شبر يضحك بدون أحزاان.
وأنا لو جيت أبضحك لك أجيك أضحك بدمعاتي.
حياتي شعرن وشاعر وجمهوري بقايا إنسان.
ونقادي زمن قاسي ولايفهم كتاباتي.
أناظر للبشر حولي أحد يضحك وأحد طربان.
وانا صعب علي أضحك واسامرهم بضحكاتي.
عجزت أكذب على نفسي بفرحه مابهاألوان.
وحزني ماعجز عني بدا يرسم نهاياتي.
طريقي صعب وجروحي كثيره وداخلي ضميان.
أبي لويوم واحد أحاول أجمع شتاتي.
أنا قصه تبعثرت وتطايرت بزمن خوان.
تعلمت أخسر البسمه واداري عضه شفاتي.
أبكتب لك وبالخط العريض وريشه الفنان.
أنا الخسران توقيعي واناخسران بسماتي.
أكمل لك عن الضيقه؟أكملك عن الأحزان؟
تأكد لو بكمل لك تصيح وتطلب سكاتي.

معا تحيات
الجوكــــــر