سبحان الله شو خلق حلوين وضوا بطلعتهم السما مثل قناديلو
ورسامك ضل عارسمك 8سنين وحطك نقطه بكتاب تهليلو
ولون خدودك وضيع التلوين وكحل عيونك وختفى ميلو
العقل ثقل الدني ما بتحملو ميازين وما قدرت ميازين الدني تكيلو
وافكار بالعلم والفلسفه مجموعين كيف ما بميل الهوا والحب بيميلو
والشعر احلى من ليل بكوانين على الكتفين مرخيي جداديلو
وجبين قطعة ثلج من صنين مثل القمر في عز تهليلو
وشفاف بلون الزهر والياسمين بطعم العسل وبنكهة الميلو
والصوت صوت العود للتلحين كل ما بيعزف مع المطرب بغنيلو
والصدر عاج ومن بحور الصين طلع حبر الدراري بعد تحليلو
والخصر يا عود الرياحين مع كل نسمة هوا الاغصان بيميلو
والطول يا نخل بروضة بساتين يا رمح عالي وما قدرو الناس تحصيلو
يا ملكة جمال القرن الواحد وعشرين ان شاء الله حبيبك يضللك وتضليلو