اروع حوار بين الام وابنها

يا امي شايف عيونك حزينه شو الي مزعلك يا تقبريني
يا ريت الناس بتبيع السعاده لجبلك كل فرحه وكل زينه
حرام الحزن يغمر هالايادي الي كنتي فوق منهم تحمليني
وصباكي يلبس الثوب الرمادي وقلبك متل زهر الياسميني
كنتي كل ما ازحف ودادي تشوفيني رجل وتعلميني
يا ابني ارضك عبدها عبادي الزهب شو قيمتو لولا الخزيني
يا امي بعرفك عندك جلادي وصبر فيه الرضى والطمانيني
رفعت راسها بحزم وارادي ومسحت جمرة الدمعه السخيني
وبحرقة صوتها صارت تنادي القدس يا امي القدس بنتي السجيني
يا ابني جارت عليها الايادي وتاهت عن مراسيها السفيني
برضاي عليك يا فلذة فؤادي حررها ولا تتركها رهيني
يا ابني القدس اغلى من اولادي وانتو والقدس من نفس طيني
والله كانت فرحتك قصدي ومرادي حتى بعرسك تزهر سنيني
انا بدي لبسك ثوب الشهادي واحمل نعشك وارفع جبيني
وقفت وقلت بلسان شادي انا ابنك متل ما بتعرفيني
انا ابنك اذا نادا المنادي استشهادي فدائي بتوجديني
يا امي مين اغلى من بلادي بعد الله الارض والعرض ديني
يا امي واجبي تابع جهادي بوصيكي قبل ما تودعيني
اذا نلت الشهادي باعتقادي بزلغوطه وبسمه استقبليني
ما بدي تلبسي الثوب الحدادي ولا تبكي عليي بتحرقيني
ورفاقي يحملوني عالايادي عريس بدلتو البيضا الثميني
نعشي زعفران وزهر نادي وقبري بين زيتونه وتيني
وحتى ارتاح ونام هادي وبقبري تخيم عليي السكيني
وضعي مصحف تحت راسي وسادي وصورة الاقصى عصدري واماني
يفضل رشاشي بيميني

ارجو الرد على هذه القصيده ولو بكلمه تشجيعيه وشكرا لمروركم