قالت الي لو كنت شاعر اوصفني الهوا دوا لكل عله وصفني
شردت فيها بين نظره وصفني وقلت شعرك ليل بعنبر تمسك
ومراجيح القمر فيها تمسك يا قلبي بترتعش لما تمسك
وجبينك لوح عاج ولوح مرمر عليها لما شعاع الشمس مر مر
وجه لوما حلاه الشهد مرمر وحواجب حارسه العينين والريف
وسنابل حانيه ببستان وريف بجمالك ماربي بالمدن والريف
ورموشك انعم جوانح فراشي مشطها السحر من دون فراشي
الكحل بيقول خلوها فراشي وعيونك الف مرود منح جرها
الشمس طلعت صبيه من حجرها استحى الفيروز غيره من حجرها
وخدودك من خدود الورد انعم اشتعل فيها الخجل بالنور ان عم
تبارك من عليكي الحسن انعم وخلقلك انف انف الصقر والورد
وحرس عجنينة التفاح والورد وعلى رطابو عزمني الشرب والورد
وسكب دم الكرز عا كل شفه وسقاني بكاسة العناب شفه
بحجر وجمر صرت الجرح شفي ولمعة سنك من السيف اطيب
وريقك من اقراص الشهد اطيب وكلامك بلسانك اطيب
وبحة صوتك الفيها رخامي نغم شلال عالنرجس رخا مي
وعنق منحوت من اجمل رخامي مناره عابحر هاجت عبابو
وصدر شعلة ثلج داخل عبابو العنب عقناطرو الزنبق عبابو
سهل زهر القطن غطى بواديه انحدر نهر الذهب يسبح بواديه
وعلى ضفافو قزح هلة بواديه ومن زنودك رايت الشمع داني
حرق حالو بقلب الشمه داني ورد فواح منو الشمع داني
ولفة خصرك الجوهر نحتها حصينه ما حدا يقرب نحتها
والي بقلبي الف نوحه نحتها وعلى عواميدها العينين مرو
بحلى كرستالها الاقمار مرو نحو الشتا والصيف مرو
حوريه من السما الله فدمها بعمر الشمس والدنيا قدمها
وقبل ما عالارض توضع قدمها بصير ترابها مثل الذهب